द्वन्द्वपीडितको लाखौं रकम दलका कार्यकर्ताले बाँडीचुडी खाए

२१ साउन, बाँके । सरकारले बाँकेका द्वन्द्वपीडितका लागि छुट्टयाएको झन्डै
४१ लाखरुपैयाँ स्थानीय राजनीीतक दलका कार्यकर्ताले बाँडेर खाएका छन् ।
शान्ति तथा पुर्ननिर्माण मन्त्रालयले कृषि विकास कार्यक्रमअन्तर्गत
द्वन्द्वपीडित विशेष कार्यक्रम सञ्चालन गर्न २०६८ सालमा उक्त रकम उपलब्ध
गराएकोथियो । उक्त रकम वास्तविक द्वन्द्वपीडितका हातमा नपुगी दलका
कार्यकर्ताले हिनामिना गरेका हुन् ।
खासगरी निर्वाचन क्षेत्र नम्बर १ र ४ मा एमाओवादी निकट नेताकार्यकर्ताले
उक्त रकम लिएको पाइएको छ भने क्षेत्र नम्बर २ र ३ मा मधेसवादी तथा अन्य
दलका कार्यकर्ताले रकम दुरुपयोग गरेको पाइएको छ । स्थानीय द्वन्द्वपीडित
समितिमा रहेका पदाधिकारी र केही पहुँचवाल कार्यकर्ताले आफ्ना घर तथा
छिमेकमा भएका गाइभैंसी तथा अन्य पशु चौपायाखरिद गरेको नक्कली कागज
बनाएररकम असुलेका हुन् ।
न्यायका लागि द्वन्द्वपीडित समाजकी अध्यक्ष चन्द्रकला उप्रेतीले
भनिन्,'द्वन्द्वपीडितका नाममा आएको रकम हातमा नपर्नु दुभाग्र्य हो ।'
उप्रेतीका पति द्वन्द्वका क्रममा मारिएका थिए । 'मलाई यो रक दिएको छैन्,'
उनले भनिन् ।
द्वन्द्वपीडित तथा एक महिला समूह बाँकेकी सचिव एकमाया विकले क्षेत्र
नम्बर ४ मा एमाओवादी कार्यकर्ताले मात्र रकम बाँडेर खाएको बताइन् । उनले
भनिन्,'खै त वास्तविक द्वन्द्वपीडितले पाएको ? माओवादीका पहुँचवालाले
बाँडेर खाए । त्यो पनि कसैले खोरको बाख्रा देखाएर त कसैले गोठका गाइभैंसी
देखाएर ।'
बाँकेको शान्ति समितिका सचिव ताराबहादुर खत्रीले धेरै द्वन्द्वपीडितले
रकम नपाएको गुनासो गरेको बताए । उनले भने,'कतिपय त रुदैँ पनि आए । यो
कार्यक्रम हामीमार्फत आएको होइन, कृषिबाट आएको भनेर हामीले सम्झाउने
कोसिस पनि गर्यौं ।'