पासपोर्ट हराए ६ महिना नपाइने

१७ चैत, काठमाण्डौं । पासपोर्ट हराएमा सूचना प्रकाशित गरी प्रहरी रिर्पोट
बनाउँदैमा अब तत्काल पासपोर्ट नपाइने भएको छ । पार्सपोट हरायो भन्दै नयाँ
बनाउन जानेलाई ६ महिनासम्म पर्खाउने नियमावली ल्याउन परराष्ट्र मन्त्रालय
राहदानी विभागले तयारीगरेको छ ।
पासपोर्ट हराउने संख्या शंकास्पद रुपमा अत्यधिक बढ्दै गएकाले नयाँ नियम
ल्याउन लागिएको राहदानी विभागका निमित्त प्रमुख यादब खनालले जानकारी
दिएको खबर नयाँ पत्रिकाले छापेको छ । नियमावलीमा पासपोर्ट हराएको पुष्टि
गर्न नसके निश्चित दण्डको पनि व्यवस्था गर्न लागिएको उनको भनाई छ ।
'पासपोर्ट जस्तो संवेदनशील डकुमेन्ट त्यत्तिकै कसरी हराउँछ ? आफ्नो
कागजपत्र जोगाउने जिम्मा नागरिकआफ्नै हो,' खनालले शुक्रबार विभागमा
गरिएको पत्रकार भेटघाटमा भने, 'तर साँच्चिकै केही घटनाको सिकार भएर
पासपोर्ट हराएको केसमा विचार गर्न सकिनेछ ।' विभागले ई-पासपोर्ट ल्याउने
योजना समेत बनाएको छ ।