मुस्ताङ छाडेर स्कार्पियोमा सानेपा हुइँकिए निवर्तमान प्रम भट्टराई

काठमाडौं - अन्तरिम चुनावी मन्त्रिपरिषद्का नवनियुक्त अध्यक्षको शपथ
ग्रहण समारोहका लागि राष्ट्रपतिको कार्यालय शितल निवासमा मुस्ताङ म्याक्स
चढिआएका निवर्तमान प्रधानमन्त्री बाबुराम भट्टराई स्कार्पियो गाडी चढेर
आफ्नो पुरानो निवास सानेपा हुँइकिएका छन्।
गत वर्ष भदौ ११ मा शपथपछि मुस्ताङ म्याक्स चढेरै भट्टराई प्रधानमन्त्रीको
हैसियतमा शितल निवासबाट बाहिरिएका थिए।
शपथ समारोहका लागि शितल निवास आउँदा प्रधानमन्त्री भट्टराई र नेपालका
लागि भारतीय राजदूत जयन्त प्रसाद सँगै प्रवेश गरेका थिए।
उता, खिलराज रेग्मी बा १ झ ५४५६ नम्बरको गाडीबाट प्रधानमन्त्री कार्यालय
पुगेर पदबहाली गरेका छन्। उनीसँगै दुई मन्त्रीले पनि पदबहाली गरेका छन्।
केही समयमा मन्त्रिपरिषद्को बैठक छ।